Droplet Digital PCR: ddPCR por multiplex razones

Máis de 11.900 publicacións científicas e 109 estudos clínicos validaron a tecnoloxía Droplet Digital PCR de Bio-Rad Laboratories en investigación, diagnóstico clínico, sanidade animal, control de calidade alimentaria e biofarmacéutica, demostrando a súa utilidade desde o seu lanzamento hai máis dunha década.
Como tecnoloxía de terceira xeración de PCR, a ddPCR ofrece a cuantificación absoluta, cunha sensibilidade e precisión excepcionais, de ADN, ARN ou células vivas en mostras de baixa abundancia ou alta complexidade, sen necesidade de curva estándar.

Neste seminario presencial, descubre:

• O poder da partición en nanogotas e as vantaxes da tecnoloxía fronte á qPCR ou NGS.
• As aplicacións máis relevantes da tecnoloxía Droplet Digital PCR:
  • Detección e cuantificación de eventos/mutacións pouco frecuentes.
  • Variación no número de copias (CNV) e análise de ligazón.
  • Detección e cuantificación da edición xenética.
  • Análise da expresión xénica en mRNA, miRNA, lncRNA e célula única.
  • Avaliación de patróns de metilación.
  • Integración co fluxo de traballo NGS.
• Optimización experimental e deseño de ensaios Droplet Digital PCR.
• Fluxo de traballo: sistemas QX, consumibles, ensaios e kits.

Entregaranse certificados de asistencia previa solicitude a través do correo cimus.xestion [at] usc.es (cimus[dot]xestion[at]usc[dot]es). Por favor, non esquezas escribir o teu nome e apelidos na folla que se repartirá durante a xornada.